Presentación Oficial III Slalom Concello de Moeche

 Na tarde deste mércores, tivo lugar no salón de actos do Concello de Moeche a presentación do III Slalom Concello de Moeche, segunda proba do Campionato Galego de Slalom de 2016. No acto contouse coa presenza da alcaldesa modestina, dona Beatriz Bascoy, e da concelleira de Deportes, dona Iria Couce, así como con Moisés García e Marta Sánchez, presidente e vicepresidenta de Escudería Moeche.
O Slalom Concello de Moeche chega á súa terceira edición, despois de acadar a segunda mellor puntuación no campionato da tempada pasada. Como novidades destaca que esta edición contará con dúas mangas de adestramentos e dúas mangas oficiais. A primeira manga de adestramentos será ás 11:30 horas. Pola tarde o comezo será ás 15:00 horas coa segunda manga de adestramentos, coas mangas oficiais a continuación.
A organización repartirá 930€ en premios, así como trofeos para os seis primeiros clasificados da xeral e os tres primeiros de cada unha das seis agrupacións existentes. Ademais, entregaranse os seguintes trofeos especiais:
-Trofeo Renault - Talleres Ramos: para o primeiro clasificado con esta marca.
-Trofeo Feminino - Talleres Motor Ortegal: para a primeira dama clasificada.
-Trofeo Históricos - Ortegal Oil Moeche: para o primeiro clasificado destes vehículos.
-Trofeo Debutantes - Cande Interiorismo: para o primeiro debutante.
Nesta terceira edición do Slalom Concello de Moeche, Escudería Moeche quere agradecer o apoio mostrado para conseguir sacar a proba adiante por parte do Concello de Moeche e de todas as empresas colaboradoras, así como o traballo dun amplo grupo de persoas que colaboran desinteresadamente.
Animámosvos a todos a asistir a Moeche o vindeiro 16 de xullo, agardámosvos!