|
Dende a organización recomendamos os accesos 4 e 5. Para acceder, fai click AQUÍ
Na mañá de hoxe, no Concello de Moeche, tivo lugar a presentación oficial do 4º Slalom Concello de Moeche, coa presenza da Alcaldesa, Beatriz Bascoy e a Concelleira de deportes, Iria Couce. Durante a presentación oficial explicáronse as principais características da proba, puntuable para o campeonato galego de slalom, que se celebrará o vindeiro sábado 15 de Xullo nas rúas de San Ramón de Moeche. No referente as principais novidades, destaca o cambio de ubicación da sala de verificacdións administrativas, que será na sede de Escudería Moeche, situada no Local 1 do Recinto Feiral de Moeche, xusto no parque de traballo da proba. En canto ao trazado da proba, permanecerá invariable con respecto a edicións anteriores, debido á boa crítica acadada entre os pilotos que estiveron presentes, tanto a nivel técnico como de zonas para a colocación do público, con moitos lugares elevados dende os que desfrutar do espectáculo, cuns niveis moi altos de seguridade. A organización espera acadar uns niveis de participación similares ás edicións anteriores deste Slalom Concello de Moeche, onde participaron unha media duns 40 vehículos. Para máis información, recoméndase visitar a web da Escudería Moeche www.escuderiamoeche.com, donde está dispoñible toda a información da proba modestina.  Na presente edición contaremos con 4 trofeos especiais para premiar ó mellor vehículo histórico, ó mellor piloto debutante, á mellor piloto feminina é ó mellor vehículo do grupo Renault. Estarán patrocinados por Ortegal Oil Moeche, Motor Ortegal, Cande Interiorismo e Talleres Ramos. Para acceder ó regulemento da proba, aprobado pola FGA, facede click AQUÍ
|
