|
Na mañá do martes 15 de xullo tivo lugar no Concello de Moeche a presentación oficial do X Slálom Concello de Moeche, cuarta proba puntuable para o Campionato Galego de Slálom 2025. O evento, que se celebrará o vindeiro sábado 19 de xullo, chega á súa décima edición con algunhas novidades, entre as que destaca unha pequena modificación no trazado. Esta variación manterá a esencia do percorrido tradicional, conservando tamén a espectacular grada natural situada ao carón do concello, desde a que o público poderá seguir o paso dos vehículos con total seguridade. Por outra banda, salientar que o número de participantes será numeroso, pois ascende a un total de 72 vehículos inscritos. As mangas de adestramentos desenvolveranse durante a mañá, mentres que as mangas oficiais celebraranse pola tarde e serán as encargadas de decidir as e os gañadores nas diferentes categorías. Nesta edición, ademais da clasificación xeral e das diferentes agrupacións, entregaranse trofeos especiais para:
A organización anima a todas e todos os afeccionados ao motor a achegarse a Moeche este sábado para gozar dunha intensa e emocionante xornada de competición automobilística. 
|
