|
Dende a Escudería Moeche , organizadora do Slalom concello de Moeche, proba calendada na Federación Galega de Automobilismo para o vindeiro 26 de setembro, comunicamos que: Por motivos da situación actual derivada da COVID-19, acordordamos cancelar a VII edición deste ano 2020. A decisión adoptámola tralo acordo unánime de tódolos membros da escudería, por considerala como a máis axeitada nestas circunstancias. A escudería traballa todo o ano para desenvolver unha das probas que maior puntuación recibe do campionato galego, e asi o seguimos facendo pera xa pensando no 2021, xa que a situación actual lévanos a adoptar esta decisión, por considerala a máis coherente. Hai que ter en conta que detrás desta complicada decisión, está o traballo de ducias e ducias de persoas que traballan arreo sen recibir nada a cambio, e como non, das axudas económicas: do concello de Moeche, da Diputación provincial da Coruña, dos numerosos patrocinadores e colaboradores, asi como de toda esa xente que dunha ou doutra maneira fan o seu aporte para axudarnos. Neste sentido, a escudería informará, nos vindeiros días, ás distintas institucións a cancelación das axudas actualmente solicitadas, debido a que a nosa actividade pasa a un segundo plano, e consideramos que se dea prioridade a paliar os efectos derivados da pandemia da COVID-19. Sen máis, decirvos que volveremos con tódalas ganas que sempre tivemos e na vindeira edición intentaremos estar de novo no chanzo máis alto do podium do campionato galego, agardando a presencia de todos vós. Non queremos deixar pasar a oportunidade para darlle as gracias e os nosos ánimos a todas e todos que dunha ou doutra maneira axudades na loita contra esta pandemia, e darlle o pésame a aquelas familias que perderon seres queridos nesta loita. Moita forza, entre todos conseguirémolo. 
0 Comentarios
|
